今日實在好彩～９點的課，８：２５先起身！！
一起身，連粗都趕唔切爆，就以最快速度出門口！

平日由於粉紅色線唔太密既關係，經常要喺地鐵月台等５－６分鐘先有車，唔似得綠色線，通常２－３分鐘就有車。兩三分鐘之差，在遲到關頭非常重要喔～搭完粉紅色線仲要轉去深藍色線，倫敦地鐵更唔似得香港地鐵行過對面月台就轉到車，所以雖則搭地鐵免卻路面塞車或紅綠燈，仍需靠一雙腳奔走於地鐵站喔。

講返今朝早，竟然２分鐘就等到粉紅色線！然後轉線，搭到目的地。重點係，搭地鐵途中只係停左一次！「停左一次」係咩意思呢？？倫敦地鐵路線長、系統舊，而且有時路線與路線有交差，可能車與車間距較難統一啦，列車在站與站之間稍停５秒至１分鐘都係平常既事，甚至有時因為訊號延誤，成條線被阻延都唔奇。一段路程也可能唔止停一次。但係，今日竟然至係停左一次幾秒鐘！真係太幸運了。

我的終點站是Russell Square，呢個站係冇扶手電梯架，乘客從月台到地面有兩個方法：搭升降機或行樓梯。旋轉樓梯有一百六十幾級，如果攞住重野既話都幾辛苦架，空氣流通又唔好，老人家真係唔好行。升降機最多人搭，雖然有三部，載客量亦唔少，但真係移動得好緩慢，上落緩慢，開門關門都緩慢。。。但係今日比我逼下逼下，第二部升降機就比我入到喇。。。
到達課室時是９：１０！

平日需要４５分鐘至１小時的旅程，今日用左４０分鐘就完成了，真係好彩。。。