平日落雨郁都唔想郁既亞Y，今日竟然喺落雨天落樓下 (係，平日係落樓下都唔肯)。皆因屋企冇雞蛋，要落超市買！
已經蘊釀左幾日想試下整西多士，前日仲特登去買糖漿。今日連厚麵包都只係剩返兩塊，唔今日整幾時整呀！
於是落左街買雞蛋。

係就係樣衰啲.... 不過都仲食得落口既...

今次啲油太多同太老喇！所以窿窿地...

下次要早啲放塊包落PAN。

今天討論的是，性感的特徵。

C君說....美臀、美胸、美貌。

我說....外冷內熱。
T君說眼神。

C君說眼神是肉體的一部分，我認真地想了一下.....不是吧？若果眼神是肉體，那...這世界沒有內在美這回事吧？畢竟都是腦袋裏的化學作用.......

於是T君和我齊反對。我說，那是怎樣看人，那是訊息傳遞.....

C君不以為然。

我沒有再說下去。突然想起課堂上有關生物本質主義的討論。究竟我真的被社會學洗腦，還是那些理論確實有道理？C君一句話，能啟示他的真正想法，他的整套人生觀嗎？我不想說得冠冕堂皇，也不想讓學術名詞介入廚房裏朋友間的討論，這樣只會把一個人的看法包裝的不似人形。但不得不承認，C君再次使我質疑他的價值觀。能夠說得冠冕堂皇的本來是他，政制、歷史、科學、經濟......這些林林種種的知識他都比我認識得多。話說回來──我，在網上說人家真沒道德啊。(且繼續說...) 但是今天，我越發覺得我們價值觀上相差很遠。或多或少受文化因素影響吧。做朋友是沒問題，相處久了還是不行。

C君說 Cease the Day。T君聽了很感啟發。我不作聲。不知道該說什麼，也不知道想法是何。

這句話怎麼理解，怎麼實行，是兩件事，也許亦是同一回事。

人的故事是否能真正交雜呢？Ｙ君說，人沒有不可失去的人。與林夕說著同一番話。

互相影響，但我的神經不是他的或她的或她的或誰人的神經，我只能感受此時此地此人。

Ｃ君說機會來去你不能控制，但你能抓住機會。或者任它逝去。

Cease the Day。

今天，看見了什麼？聽到了什麼？抓緊了什麼？流過了什麼？

今天的空氣與昨日的空氣，新舊已換，但空氣沒有今明之分，每一刻也流動轉換，隨著我一呼一吸（弊，上腦了！），散聚來去，卻無所謂緣份也沒有圓缺。

有一天也許我會相信Cease the Day。我深知道自己，不能隨遇而安，執著很小很小很小很小的水珠，很怕它會從手心散去。

「握緊的雙手其實抓不住什麼。」

開玩笑！我根本不是執著的人。

懶人是也～～～～～～～～

繼續頹廢。

我的博客是寫給自己的。並不是每個人都是這樣，有人寫作給全世界，有人寫給醫生，有人寫給學生，有人寫給政府，有人寫給上天...... 但我的博客是寫給自己的。事情的來龍去脈總缺乏，情感亂流。

這陣子，常聽香港電台節目，主要是聽歌聽訪問。李慧玲成為了學習對象。學習訪問。

感覺好像時間倒轉了，輕輕夜裏聽的是早晨主持的鼓舞，也許是很多人早上起來聽到的第一把聲音。那邊的陽光好像也稍稍照亮了我的房間，窗外似微染初黎。遲遲不願睡去，因為一天才踏入午間，陽光正耀眼。

這邊睡醒時，心裏知道已日上三竿，但很快就回到另一邊奇異的世界，沒有痛感的世界(其實有的，我就試過叫夢裏的怪獸咬我手指，然後就痛了)，只有變幻和自說自話。睡醒了我嗅不到陽光，我看不到夏天，我在冬眠，我不餓。

究竟一百三十萬係幾多錢? ......

我掙人八千蚊, 但係連佢係邊個都唔知, 實際上係冇一個咁既人, 但的確係欠左人一筆錢。咁即係欠邊個?
我知道永遠都還唔倒, 而且嗰八千蚊也許本來可以改變一家人既生活, 或者改變一個人行既路..... 會唔會我地有一日可以見面? 到時我會知道我造成既傷害, 會知道攞走左一個點樣既機會....

冇人係完人?? 別活在過去??

有欠就有還。但係如果我唔知道我欠既係邊個, 咁我將會還比邊個?? 但願有日我地會見面。會唔會, 係唔只一個人....?

------------------

我真係.....好憎好憎_______。見倒佢地, 心裏面會有欲哭無淚既感覺, 佢地好似破壞左嗰刻我身處嗰個空間。我真係好自私。必須反謅, 消化.....但猶如水銀毒素, 沉積, 分解不了, 排放不了..... 又一次唔負責任既「我嘗試過, 但做不到」?....

Dr Martens sample sale

今日第一次去左sample sale!!! 今日去既係Dr Martens.

係K君前兩日通知我既!! 呢位K君認真犀利, 佢大部分既衫褲鞋襪都係喺名牌大減價度買既... (真係好犀利, 唔好講笑, 一折至三折不等..)
K君足足排左三個半鐘頭隊, 我就偷左雞, 遲左成粒鐘先到, 所以只係排左兩個幾鐘.... 其實如果唔係K君比我插隊, 我係唔會排既.....一條友我係絕對唔會排幾粒鐘...
一點半鐘, 終於入倒去....!!!

入面有啲亂.. 但比起我地走嗰陣, 其實唔算誇張!!!
一地都係鞋盒, 因為一開頭所有鞋都係喺鞋盒入面既....

但係到最後.... 你要搵一對完整既鞋都有難度..... 有時會幾隻都係右腳, 因為啲人會想揀對靚啲新啲既, 所以就會攞幾隻黎比對, 比完之後就唔擺返去原位... (呢啲咁賤格既事我當然亦有參與)

結果成地都係盒、雪梨紙、單丁既鞋.....

最後我地喺個倉度留左三個鐘頭, 我只係買左一對。但係 K君因為又自己買又幫朋友買, 佢買左六對.....佩服佩服... 走既時候見倒佢大細包仲勁過返鄉下!! :P

兩個人行都真係幾好! 一個去睇size或者搵過對新淨啲既時候, 第二個就可以企喺度睇住啲野~

我真係好鬼師奶呢~~ 的確係有趣既經驗, 但真係唔好成日做, 花既時間同精力也不少 =_=

-------

我好鍾意港台呀!!! 佢有唔少節目以各類社群為主要內容/受眾,  包括外傭、在囚人士及親友等, 又請各個不同工作領域、生活領域既人做訪問, 讓社會認識更多不同人士的生活和想法.

傳媒其中一個重要角色, 就係比更多人認識更多人. 呢個係我既信念!!!! 所以我要學習做訪問!!!!!! 左右大局李慧玲係其中一個學習對象! 佢真係好清楚個訪問中已經發生左乜野事, 有啲乜野位可以執返黎問深入啲, 受訪者講過邊啲野可以捉住黎問一啲受訪者未必諗住講既野..... 犀利!!

學習聆聽.

呢兩日都訓到三點幾先起身，超級頹廢呀!!!!! 論文仲有好多好多野未做呀.... 唉唔知最後會唔會搞到一團屎.... 有十個錄音，而家只係打左四份錄音稿咋。每份錄音稿都要用三日時間.... 打到手指都攣埋.... 不過如果可以十點前起身，專心啲，應該可以兩日打哂一份.... 最煩就係無從入手分析呀！點算呢。都唔知邊啲野先係有意義既野...... 真係呢，三年黎我究竟學左啲乜野呢... 只怪我冇勤力讀書啦..... 

好開心呀，九月可以去中大讀書了 : ) 

我話過2012年要惡補中英文，加油!!!!!! 

被刺痛了。謝謝妳讓我反思我對他人的偏見。

從某時候開始，我就沉溺在第一身感覺裏，缺乏自我反省。用第一身感受、領略、體會人際關係。空白。對他人的理解從來都是第一身。妳曾因此燥動。當時我沒能反應過來，只知道每人也有自己的角度去感受事情。從自我鄙視之中反思，也許此刻而言是最恰當的。那麼怎樣從切身感受之中跳出來，讓自身感受成為一塊拼圖，整合其他角度、事件、人物、關係，拼湊出完整的圖畫，看透箇中互動。

天生抑或後天，難以釐清。那一天會否降臨，未知之數。從今，學習放開沉溺的痛快，抽離第一身。從前以自身作對立點，沉溺於對立，沉溺於張力。師古人，以思考作為存在的據點，不之於感受和情緒。

今已失去語言能力，連此刻感受如何，也未能暢然書之。好碎，好碎，哪天想拼回今天的我已不可能。哈，到底仍以感受為中心。該打。改之改之改之。

........但我真的很享受沉溺切身。

那麼請讓我沉溺於今天的刺痛。但好像經已失去了刺痛............

既(暫)失表達能力，便是強於閱讀之時！

青春終於到來了嗎？抑或是周期性躍動呢？突然對學習有種期許，希望藉著對世界更明瞭，撫平一些不應出現的情緒和情感。也希望以後改善操行。是的，操行一詞的確久違，幾乎是孩童年代專有名詞，但就是因為久違，才忘掉。

似乎這差不多五年光景，給我的只有一份更想了解祖國的期許。無論是社會、(經濟(哎，太難了))、文學、文化、歷史、思想........ 自文字散發出不同的意念傳遞方式，實在難以不欣賞中國語文。中國語文是包容的，不會因為執著於精確度而排他。英語雖精確，但因為文字沒有討價的空間而引起彼等分野，互不相讓，也容易因為追逐精確性而忘記文中本意。細長的結構，容易節外生枝，分化注意力，有意無意之間又忘本了。中文句子不奢求豐滿，只求簡潔。一筆一筆，句逗之間，或白描或細描，總是抓住骨幹，畫完一物，始另一物。並非單調稀薄，卻是枝幹分明。

結構雖明白，詞風卻渾厚包容。這也講求讀者對文章主動了解，因為中文主體較模糊，需要讀者拿掐文章整體，才不致曲解文意。英語容易斷章取義，皆因高度重視文字精確度，求能以句代文。又西方文化求速，其勢更甚。然而中文若無前文後理則不知所云，故斷章仍難取義。讀者必須尋到文章脈絡，方會意全文，此時用詞精確度已不為重要。如此難道英文寫作多靠作者功力，中文則需讀寫兩合方成線路？

也不知是對是錯。若有誤解，多多指教。莫不是幾年大學期間只看英語學術論文，情生抗拒而已。若看文言，恐怕另有一番掙扎浮沉.......

今日約左M君交收。

點解我總係唔識同人溝通架呢？點解我總係令到人地唔自在架呢？我知道佢唔想再見我了。這並非重點。緣來緣去，我地甚至連普通朋友都談不上，但我亦毋須令人不快，惹人討厭。

幾時先至學識流露關心既同時，又唔會唐突呢？三兩句說話，人心已設防。人與人之既交流點樣先至可以變成可能？i'm just so pissed off by myself. 以前我唔夠八卦，令我對身邊既親朋戚友一無所知，而家我想了解人，又用錯方法，令人迴避。i'm so messed up with everyone.

反省反省反省。